Ұлттық компанияның мәліметінше, шектеулер 2026 жылғы 15 ақпанда сағат 10:00-ден бастап күшіне енді.
• Қызылорда облысында «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының Ақтөбе облысының шекарасынан Арал қаласына дейінгі аралығы (1240–1362 км) жабылды.
• Ақтөбе облысында осы бағытта қозғалыс Ырғыз кентінен Қызылорда облысының шекарасына дейінгі учаскеде (1153–1240 км) шектелді. Аталған учаскелерді ашудың болжамды уақыты – 15 ақпан сағат 20:00.
• Алматы облысында сағат 10:30-дан бастап аталған трассаның Жаңақұрылыс ауылынан Жамбыл облысының шекарасына дейінгі бөлігі (59–143 км) жабылды.
• Жамбыл облысында шектеулер Алматы облысының шекарасынан Қордай ауылына дейінгі аралықта (143–214 км), сондай-ақ «Қордай асуының жаңа айналма жолы» учаскесінде – Кенен ауылынан Қайнар ауылына дейін (159–238 км) енгізілді.
Алдын ала мәлімет бойынша, бұл учаскелерде қозғалысты 15 ақпанда сағат 13:00-де ашу жоспарланып отыр.
Бұған дейін синоптиктер 15 ақпанда өңірлерге қар, жаңбыр және боран болатынын хабарлаған еді. Сонымен қатар желдің күшеюі, көктайғақ пен тұман туралы ескерту жасалды.
