“Қостанай облысының Жангелдин ауданына мұнай табылды деген сөз болды. Оны өндіруге әлі ерте ме?” – деп сұрады комитеттің атқарушы төрағасы брифинг кезінде.
Қанат Ерубаев жауап ретінде мұнай табу үшін “перспективті тұзақтарды” анықтау қажет екенін айтты.
“Бұл – күрделі жұмыс, бірақ оны жүргізу қажет. Бізде Солтүстік-Торғай шөгінді бассейні өте үлкен. Солтүстік көршілеріміз мұнда мұнай мен газ өндіреді. Бізде де осындай объектілерді анықтауға жағдай жеткілікті. Сондықтан біз осы аймақта (Қостанай облысында – еск.) сейсмикалық іздестіру жұмыстарын жоспарладық”, – деді ол.
Комитеттің атқарушы төрағасы атап өткендей, жұмыстарды 2026 жылы бастау және үш жылдан соң аяқтау жоспарлануда.
Айта кетейік, Қазақстанда мұнай негізінен елдің батысында өндіріледі, мұнда ең ірі кен орындары мен барлық негізгі инфрақұрылым шоғырланған. Негізгі мұнай өндіретін өңірлер – Атырау, Маңғыстау, Батыс Қазақстан және Ақтөбе облыстары. Сондай-ақ, Қызылорда облысында да аз көлемде мұнай өндіріледі.
